Trajneri i Juventusit, Massimiliano Allegri, e ka thënë me shaka se prej Cristiano Ronaldos nuk pritet ta humbasë asnjë penallti për bardhezinjtë, pasi sezonin e kaluar derisa në fanellën e Real Madridit i rrëzoi ata nga Liga e Kampionëve pikërisht me një penallti të vonshme.
Cristiano Ronaldo duhet patjetër t’i shënojë të gjitha penalltitë për Juventusin, në mënyrë që të falet për rrëzimin e gjigantit italian nga Liga e Kampionëve sezonin e kaluar, ka thënë Allegri, transmeton Gazeta Express.

Penalltia në minutën e 98-të për Real Madridin e eliminoi Juven nga çerekfinalja e Ligës së Kampionëve në prill.

Tani, Ronaldo është pjesë e Juventusit dhe me golin nga penalltia ndaj Fiorentinës të shtunën në Serie A, e coi në 11 totalin e golave në 18 paraqitje për “Zonjën e vjetër”.

Allegri tha se shënimi i penalltive nga Ronaldo është një mënyrë që 33-vjeçari të falet për atë që i bëri Juves në Evropë.

“Ronaldo i gjuan penalltitë. Pasi e shënoi atë penallti kundër neve në minutën e 93-të me 139 kmh, a duhet ta lë dike tjetër t’i gjuajë ato?”, tha Allegri.

“Ai duhet të bëjë diçka për t’u falur. Ai duhet t’i gjuajë penalltitë dhe të shënojë… gjithmonë”, shtoi ai.