Arabia Saudite ka informuar Turqinë që do të paguajë kompensim për familjen dhe të fejuarën e gazetarit të vrarë Jamal Khashoggi, bën të ditur një zyrtar turk.

Një burim turk i tha Al-Jazeera të martën se sauditët do të paguajnë një diya – një shumë financiare e paguar sipas ligjit islam në kompensim për vrasje ose dëmtime trupore – për bijtë e Khashoggi dhe nuses së tij, Hatice Cengiz, transmeton portali arbresh.info.

Në një intervistë me CNN javën e kaluar, bijtë e Khashoggi, Salah dhe Abdullah, kërkuan kthimin e trupit të babait të tyre për t’u varrosur në vendlindjen e tij në Medinë, Arabinë Saudite.

Ata thanë se iu besuan përpjekjeve të mbretit Salman për t’i sjellë ata persona që janë përgjegjës para drejtësisë.

Vrasja brutale e Khashoggit ka prishur imazhin e princit të fuqishëm të kurorës Mohammed bin Salman, roli i të cilit i mundshëm në vrasjen është nën shqyrtim të rreptë.

Historia e sauditëve ka ndryshuar vazhdimisht që nga ajo kohë, me prokurorin publik të vendit duke thënë javën e kaluar se vrasja e Khashoggi ishte e paramenduar.

Khashuol u torturua, u vra dhe u shpërbë në konsullatë, thanë zyrtarët turq për Middle East Eye dhe një ndihmës i lartë për presidentin e Turqisë, Recep Tayyip Erdogan, tha të premten se trupi i gazetarit ishte tretur në acid./Arbresh.info/