Turmat e shumta të njerëzve nga Lindja e Mesme që lanë vendet e tyre dhe morën rrugën për një jetë më të mirë në Europë, po ua kujtojnë kosovarëve largimin e tyre të dhunshëm nga Kosova, 16 vjet më parë.

Luftërat që s’po ndalet në Lindjen e Mesme i shtynë shumë njerëz të atyre vendeve që të bëhen refugjatë nëpër zonat kufitare të Evropës Juglindore.

Shumë prej tyre u ndalën për disa ditë në kufirin mes Maqedonisë e Greqisë, ku u keqtrajtuan nga policia maqedonase, njofton Klan Kosova.

Pamjet e turmave me refugjatë po ua kujtojnë kosovarëve ikjen e tyre 16 vjet më parë.

Për trajtim human për gjithë këta të ikur nga shtëpitë e tyre po apelon edhe qytetari Kushtrim Ferizi, që në kohen e eksodit të 99-ës, ishte vetëm 9 vjeç.

Në Bllacë, ai bashkë me 11 anëtarë të familjes qëndroi për 7 ditë.