Në një tjetër operacion të policisë së së Elbasanit janë vënë në pranga dy të rinj për shitje narkotikësh dhe moskallëzim krimi.

Në bazë të informacioneve të marra nga Specialistët e Hetimit të Narkotikëve, Marius Tabaku, 27 vjeç, gjatë kontrollit i është gjetur një dozë heroinë. Nga verifikimet në rrugë operative rezultoi se e kishte blerë nga Redi Zeneli, 24 vjeç i dënuar dhe më parë për prodhim dhe shitje të narkotikëve, transmeton top channel.

Nga kontrolli i ushtruar në banesën e shtetasit Redi Zeneli, në lagjen “Syrja Dylgjeri”, janë gjetur dhe sekuestruar në cilësinë e provës materiale një sasi pluhuri e dyshuar si lëndë narkotike e llojit heroinë, (gjithësej 26 doza), një peshore elektronike dhe një sasi vlere monetare prej 12 000 lekësh, të cilat i ka siguruar nga aktiviteti i paligjshëm i shitjes së lëndës narkotike.