Zhegrova: Sa herë që vij te Kosova, luaj me gjithë zemër, jam i gatshëm të mbaj barrën e skuadrës

17:47 | 14 Tetor 2024
D.H

Futbollisti kryesor i kombëtares së Kosovës, Edon Zhegrova ka dal në konferencë për media së bashku me selektorin Franco Foda para ndeshjes me Qipron.

Ylli i Lille foli rreth sfidës së kaluar me Lituaninë si dhe u shpreh se nesër do të paraqiten edhe më mirë, raporton Arbresh.info.

“Nuk kam presion. Sa herë që të vij të luaj me Kosovën, luaj me gjithë zemër. Në Lituani kemi pasur ndeshje të mirë edhe pse kemi mundur të bëjmë edhe më mirë. Besoj që nesër do të paraqitemi edhe më mirë”, tha Zhegrova.

Tutje ylli i Lille, tha se do të hyjnë vetëm për fitore.

“Nesër në Prishtinë hyjmë për fitore dhe uroj të shënojmë sa ma shumë gola. Jam i gatshëm të mbaj barrën e skuadrës së bashku me të gjithë bashkëlojtarët”, shtoi tutje ylli dardan.

Ndeshja me Kosovës dhe Qipros luhet nesër me fillim nga ora 20:45 në stadiumin “Fadil Vokrri”./Arbresh.info