Vlera e Kosovës dhe Çekisë para ndeshjes në “Fadil Vokrri”

12:14 | 7 Shtator 2019
Arbresh Info

Kosova dhe Republika e Çekisë do të përballen pasditen e sotme (e shtunë) në stadiumin “Fadil Vokrri” në Prishtinë.

Kombëtarja jonë luan në kuadër të Grupit A të kualifikimeve për Kampionatin Evropian 2020 kundër Çekisë, e cila ka vetëm një pikë më shumë se “Dardanët”, shkruan portali arbresh.info.

Nëse bazohemi në uebfaqen Transfermarkt, e cila tregon vlerën e kombëtareve, atëherë dallimet mes skuadrës nën udhëheqjen e Bernard Chalandes dhe mysafirëve janë dukshëm të mëdha.

Kosova vlen në treg 41.58 milionë euro, ndërsa skuadra e kombëtares së Çekisë vlen 122.45 milionë euro.

Kjo i bie se rivalët e sotëm janë thuajse tri herë (2.9) më të vlefshëm se kombëtarja jonë.

Ndeshja mes Kosovës dhe Çekisë fillon në ora 15:00 dhe portali Arbresh.info do t’iu njoftojë në kohë reale për çdo zhvillim në lidhje me këtë takim./arbresh.info/