Milani ka marrë një fitore me shumë vuajtje ndaj Cremoneses duke triumfuar në udhëtim 0-2.

Pas një pjese të parë të barabartë 0-0, Milani në pjesën e dytë gjeti golat dhe fitoren.

Rossonerët krijuan më shumë raste shënimi, por për të parë golat u desh të pritej minuta shtesë.

Ishte minuta e 90-të e ndeshjes, kur Luka Modric harkoi bukur në zonë derisa Pavlovic realizoi me kokë për 0-1.

E katër minuta më vonë Milani gjeti edhe golin e dytë pas një kundërsulmi të shpejtë.

Christopher Nkunku asistoi bukur te RafaelLeaoi cili ishte i vetëm dhe realizoi në portën bosh për 0-2.

Milani vazhdon të jetë në pozitën e dytë me 57 pikë, 10 më pak se lideri Inter.

Ndeshjen e radhës Cremonese e luan në udhëtim te Lecce, derisa Milani pret rivalin lokal Interin. /Telegrafi/