Sulmuesi i Bayern Munich, Harry Kane, arriti të barazojë një rekord të vjetër në ndeshjen e kthimit të gjysmëfinales së UEFA Champions League ndaj Paris Saint-Germain.

Kane shënoi një gol barazues në minutën e katërt shtesë (90+4), duke siguruar një barazim 1-1, dhe u bë vetëm lojtari i dytë pas Cristiano Ronaldo për të shënuar në gjashtë ndeshje radhazi eliminatore në Champions League.

Golat e tij përfshijnë të dyja ndeshjet e 1/8-ave ndaj Atalantas, të dyja çerekfinalet kundër Real Madrid, dhe të dyja gjysmëfinalet ndaj PSG-së.

Ronaldo arriti të njëjtin rekord për Real Madrid mes 2012 dhe 2013.

Megjithatë, goli i Kane nuk mjaftoi për Bayernin që të kualifikohej në finale, pasi humbi 5-4 në ndeshjen spektakolare në Paris një javë më parë.

Sulmuesi 32-vjeçar ka pasur një sezon të jashtëzakonshëm me Bayernin, duke regjistruar 55 gola dhe 7 asistime në 48 ndeshje zyrtare në të gjitha garat.

Në Champions League këtë edicion qëndron i dyti pas Kylian Mbappé të Real Madrid i cili pati 15 sosh, kurse Kane 14./Arbresh.info