Në vitin e kaluar, Paris Saint-Germain bëri një nga transferimet më të bujshme të futbollit evropian, duke paguar 70 milionë euro për Khvicha Kvaratskhelia, i cili nuk pati nevojë për kohë adaptimi për t’u bërë një shtyllë e sistemit të Luis Enrique.

Nëse sezoni i parë i tij ishte i jashtëzakonshëm, ky i dyti po tejkalon të gjitha pritshmëritë.

Ashtu si në ndeshjen e parë, “Kvara” ishte vendimtar edhe në kthimin gjysmëfinal të Champions League ndaj Bayern Munich.

Ai kërkoi vetëm dy minuta për të qetësuar Allianz Arena, duke bërë një sprint shkatërrues në hapësirë që përfundoi në golin e Ousmane Dembélé, pas asistimit të tij. Ky ishte 16-ti kontribut i tij në Champions që nga fillimi i sezonit dhe i shtati radhazi.

Kvaratskhelia është lojtari i vetëm në histori të Ligës së Kampionëve që ka marrë pjesë në gol në shtatë ndeshje radhazi të fazës eliminatore.

Që nga fillimi i fazës finale, ai nuk shënoi apo asistoi vetëm në ndeshjen e parë ndaj Monaco (2-3).

Kundër Chelsea në 1/8-at, edhe pse nisi nga stoli, ai arriti të shënojë dy gola në ndeshjen e parë dhe një tjetër në kthimin që siguroi kalimin në çerekfinale.

Në çerekfinale ndaj Liverpoolit, sulmuesi gjeorgjian shënoi në ndeshjen e parë dhe asistoi në të dytën.

Ndërsa në gjysmëfinalen e parë ndaj Bayernit, ai realizoi dy gola vendimtar që siguroi fitoren 5-4 të PSG-së në një duel historik. Në kthimin në Mynih, një aksion i shpejtë i tij rezultoi në asistimin për golin e Dembélés që i dha avantazhin Parisit.

Statistikat e tij e bëjnë edhe më të dukshme dominimin e Kvaratskhelias: është sulmuesi i tretë me më shumë rikuperime në Champions (27,6), vetëm pas Barcolas dhe Hauges.

Ai është një “makinë” për të ndërtuar sulme, për të konkurruar dhe për të bërë ndryshimin në fushën kundërshtare.

Që nga fillimi i fazës eliminatore, Kvaratskhelia ka shënuar 7 gola dhe ka dhënë 4 asistime në tetë ndeshjet e fundit të Champions, me një kontribut vendimtar çdo 53 minuta. Ai ka 10 gola.

Kvaratskhelia tashmë ka shënuar në një finale Champions League, ndaj Interit në 5-0 vitin e kaluar, dhe më 30 maj në Budapest përballë Arsenal do të përpiqet të udhëheqë PSG-në si gjithmonë./Arbresh.info