Challandes në tribunat e ndeshjes Shqipëri U21 – Kosovë U21

19:32 | 15 Tetor 2019

Bernard Challandes është duke shikuar nga afër ndeshjen Shqipëri U21 – Kosovë U21.

Trajneri i kombëtares A të Kosovës ka zgjedhur për të shikuar nga afër ndeshjen në stadiumin “Elbasan Arena” mes dy kombëtareve tona, shkruan portali arbresh.info.

68-vjeçari zviceran ishte i shoqëruar me kryetarin e FFK-së, Agim Ademin.

Takimi mes Shqipërisë U21 dhe Kosovës U21 zhvillohet në kuadër të Grupit C të kualifikimeve për Euro U21.

Kuqezinjtë kërkojnë tri pikët e para në këtë fazë, ndërsa Kosova shpreson në fitoren e tretë nga katër ndeshjet e zhvilluara deri tani./arbresh.info/

Shpërndaje në rrjete sociale