Google ADS

Bajram Shala shpjegon pse Muriqi dhe Zhegrova mungojnë për ndeshjet ndaj Moldavisë dhe Greqisë

17:08 | 25 Gusht 2020
Arbresh Info

Drejtori i Kombëtares së Kosovës, Bajram Shala ka zbuluar pse dy yjet Vedat Muriqi dhe Edon Zhegrova nuk janë të ftuar për dy ndeshjet e radhës ndaj Moldavisë dhe Greqisë në kuadër të Ligës së Kombeve.

Shala ekskluzivisht për arbresh.info, tha se Muriqi ka pësuar lëndim në kofshë, andaj nuk ishte i ftuar dhe pritet të rikthehet pas tri jave.

“Vedati është lënduar, ka pësuar lëndim para katër apo pesë ditëve me klubin e vet, e ka lënduar kofshën, andaj do mungojë se paku tri javë”, u shpreh fillimisht ai.

Kurse, i pyetur për mungesën e Edon Zhegrovës, Shala bëri me dije se ishte vendimi i përzgjedhësit Bernard Challandes dhe gjithçka do sqarohet së shpejti

“Për Edonin, Challandes nuk me ka dhënë asgjë, thjeshtë nuk është në listë. Këtë do ta sqarojë trajneri më së miri në ditën e hënë në konferëncë për media”, theksoi Shala.

Kosova me 3 shtator përballet me Moldavinë në Parma të Italisë, kurse pas tri ditëve e presim Greqinë në “Fadil Vokrri”./E.Bytyqi /arbresh.info.

Shpërndaje në rrjete sociale

Lajmet më të lexuara

Të ngjashme

Foto lajm