Vodhi kontributet e qytetarëve, arrestohet ish-përgjegjësi i Sigurimeve Shoqërore

10:29 | 7 Nëntor 2015
M. A.

Ish përgjegjësi i Agjencisë së Sigurimeve Shoqërore në Fier të Shqipërisë është ndaluar për akuzën e vjedhjes me anë të shpërdorimit të detyrës.

Sipas policia Arben Bishyti në bashkëpunim me Laver Saka(i cili ndodhet në masën “Arrest në burg”),“nuk kanë bërë derdhjen e kontributeve të qytetarëve por i kanë përvetësuar këto para për vete”

Policia njoftoi sot për ndalimin e Arben Bishytit 56 vjeç, banues në lagjen “konferencë e Pezës”, Fier

Nga Specialistët e Sektorit për Krimin Ekonomik e Financiar, u bë ndalimi i shtetasit:

“Ndalimi i këtij shtetasi u bë pasi Gjykata e Rrethit Gjyqësor Fier me vendim Nr, 62-2015-4767, datë 05.11.2015 ka caktuar masën e sigurisë “Arrest në burg”, për veprën penale “Vjedhje duke shpërdoruar detyrën” e kryer në bashkëpunim, parashikuar nga Neni 135 e 25 i Kodit Penal” informon policia.

Policia nuk saktëson sa është shuma e vjedhur.