Tavo në Borsh: Misioni im është shërbimi ndaj njerëzve dhe gatishmëria për t’u qëndruar krah banorëve

17:39 | 1 Gusht 2024
H.E

Kandidati i PS-së për kryetar të Bashkisë së Himarës në Shqipëri, Vangjel Tavo ka takuar sot banorët e lagjes “Shkallë” në Borsh, me të cilët diskutoi për zgjedhjen e nevojave të familjeve dhe komuniteteve.

Me anë të një postimi në Facebook, Tavo theksoi se misioni i tij për drejtimin e Bashkisë Himarë është shërbimi ndaj njerëzve, ndërsa ka shprehur gatishmërinë për të qenë gjithmonë krah banorëve, përcjell Arbresh.info,

Postimi i plotë i Vangjel Tavos:

Takim me banorë të nderuar të Lagjes Shkallë në Borsh duke diskutuar për zgjidhjen e nevojave të familjeve dhe komunitetit.

Misioni im institucional dhe personal në drejtimin e Bashkisë Himarë është shërbimi ndaj njerëzve, shoqëruar me gatishmërinë dhe vullnetin e plotë për të qenë gjithmonë në krah të banorëve.

Më 5 gusht ne do nisim pa humbur kohë punën për zgjidhjen sa më të shpejtë të nevojave të banorëve./Arbresh.info