Ministrja e Turizmit dhe Mjedisit e Shqipërisë, Mirela Kumbaro ka njoftuar për projektin e ri të të Ujërave Termale të Banjës në Përmet.

Në llogarinë e saj në Facebook, Kumbaro ka publikuar pamje se si do të duket Banja në Përmet e cila është dëmtuar përgjatë viteve nga dora e njëriut, përcjell Arbresh.info.

Ndër të tjera, Kumbaro theksoi se ky projekt do të nis së zbatuar së shpejti.

“Ditë të mbarë me projektin e ri të ripërtëritjes së një destinacioni krejt të veçantë si Ujërat Termale të Bënjës në Përmet, – monument natyre – ku përgjatë viteve dora e njeriut e ka dëmtuar jo pak, e megjithatë vizitorët dhe turistët kanë ardhur duke u shtuar vit pas viti, prandaj ky projekt që nis së shpejti është një domosdoshmëri e do të krijojë kushtet për ta shijuar deri në fund këtë bukuri të rrallë duke mbrojtur natyrën”, ka shkruar ministrja Kumbaro – Furxhi./Arbresh.info