Një çift italianësh kanë rënë pre e një grabitjeje në Vlorë, teksa ndodheshin me pushime në Shqipëri.

Përmes një njoftimi, Policia bën të ditur se ngjarja ka ndodhur pasi çifti kishte parkuar automjetin tip “Audi” në zonën e Lungomares në Vlorë.

Automjeti më pas është vendosur nën shënjestër nga grabitësit, të cilët kanë thyer xhamin e pasagjerit të automjetit dhe kanë vjedhur rreth 2500 euro, si edhe gjithë dokumentet dhe sendet e tjera me vlerë.

Ndërkohë Policia ka mbërritur në vendngjarje së bashku me grupin hetimor dhe ka nisur punën për zbardhjen e rrethanave të saj.

“Sot, në lagjen “Uji i Ftohtë”, dyshohet se një shtetas, ka thyer xhamin e një automjeti të ndaluar, në rrugë dhe ka vjedhur një çantë me sende personale dhe portofolin e dy shtetasve italian. Menjëherë është bërë shoqërimi i disa personave të dyshuar dhe vijon puna për zbardhjen e plotë të ngjarjes”, njofton Policia./euronews.al