Nga Asambleja e PS-së, kryeministri Edi Rama tha se kreu i ri i Kuvendit do të jetë Gramoz Ruçi.

“Mandati ynë i ri kërkon që ne t’i japim Kuvendit të Shqipërisë një kryetar të ri dhe Gramozi është jo vetëm kryetari i natyrshëm i Kuvendit për këtë mandat. Ndaj është nder dhe krenari që ne t’i japim kryetarit të kësaj Asambleje të gjithë mbështetjen tonë”, tha ai.

Më pas Rama shtoi se Taulant Balla do të jetë kryetari i grupit parlamentar të Partisë Socialiste.“Për grupin e ri parlamentar largimi i Gramozit do të jetë një sfidë më vete që nuk do ta dëshironim. Zëvendësimi i kryetarit të grupit duhet të jetë prioritet i parë dhe i menjëhershëm. Duke çmuar lart përkushtimin e vecantë dhe integritetin politik, të Taulant Ballës, si nënkryetar i grupit, besoj që është gjëja e duhur që Taulanti të marrë drejtimin e grupit parlamentar”, tha Rama.