Agnesa Vuthaj: Isha një vajzë nga fshati, që fitova Miss-in

00:56 | 2 Shkurt 2021

Bukuroshja shqiptare, Agnesa Vuthaj ka treguar më shumë për karrierën e saj, parafjykimet dhe sfidat ndër vite që prej pjesëmarrjes së saj në ‘Miss Kosova’ 17 vite më parë.

E ftuar në ‘NIN’ me Alaudin Hamitin, ajo ka rrëfyer se ka marrë pjesë në konkursin e bukurisë pa e kuptuar ende se çfarë do të ndodhte, por për të pasur një eksperiencë tjetër.

Vuthaj është shprehur se nuk ka qenë e thjeshtë përshtatja e jetesës nga një vajzë e thjeshtë në një personazh publik. Ajo ka pohuar se nga çdo sfidë ka marrë një mësim, sidomos në 5 vjeçarin e parë të shfaqjes në publik.

“Misioni im kryesor ka qenë mos ta lë famën të më bjerë në kokë, pasi e kam fituar miss-in në një moshë shumë të re dhe në atë kohë missi ka qenë shumë më i madh nga se është tani, pasi ka pasur dhe më pak aktivitete se tani. Ka qenë vetëm miss-i dhe ndonjë festival, mundësia si të bëheshe i famshëm. Kështuqë për mua mirësia dhe personaliteti janë shumë të rëndësishme pavarësisht se çfarë arrin në jetë. Të jesh me këmbë në tokë dhe e buzëqeshur”, ka përfunduar Agnesa./abcnews.

Shpërndaje në rrjete sociale

Lajmet më të lexuara