Flet 20-vjeçarja që ishte në diskotekë: Duke dalë rashë në tokë dhe më shkelnin , s’e di ku është motra ime

12:07 | 16 Mars 2025
E.G

Marija Taseva, një 20-vjeçare e cila ka mbetur e lënduar nga zjarri në diskotekën në Koçan, dëshmoi se në momentin e shpërthimit të zjarrit ka pasur një rrëmujë të madhe, raportojnë mediat maqedonase.

Ajo ka treguar se si të gjithë po përpiqeshin të shpëtonin, ndërsa nuk di gjë për motrën e tij, e cila ishte me të. Tha se s’po mund ta gjejnë as në spital.

“Të gjithë nisën të vraponin jashtë. Të gjithë po përpiqeshin të shpëtonin. Motra ime ka humbur. Nuk mund ta gjejmë në asnjë spital. Tani presim këtu rezultatet për të parë nëse do ta gjejmë apo jo, përfundimisht në Shkup”, tha ajo,

“Duke dalë jashtë rashë në tokë dhe të tjerët më shkelnin, thjesht isha në tokë me fytyrë”, tha Taseva.

Babai i saj tha se nuk kanë informacion për vajzën e dytë, e cila është 25 vjeçe.