Demiri: Më shumë komandantë janë vrarë pas lufte, sesa në vitin 2001

19:39 | 25 Korrik 2015
M. A.

Analisti dhe njohësi i zhvillimeve politike në Maqedoni, Alajdin Demiri ka theksuar se në Maqedoni më shumë komandantë të UÇK-së janë vrarë pas luftës se sa gjatë luftës së vitit 2001.

“Në rast se mirë e analizojmë situatën, nga viti 2001 deri tani janë vrarë më shumë komandant nga radhët e BDI-së, se sa gjatë luftës. Kjo tregon për politikën joparimore dhe jokonzistente të BDI-së”, deklaroi Demiri.

Nga përfundimi i konfliktit të vitit 2001, janë vrarë me dhjetëra komandant dhe ish-luftëtarë të UÇK-së, ndër të cilët Isa Lika, komandanti i UÇK-së nga Tetova, duke vazhduar me komandantin legjendar Harun Aliu – Kushtrimi. Së fundi edhe dy komandantët kryesor të betejave të UÇK-së në 2001, Mirsad Ndrecaj dhe Beg Rizaj që u vranë gjatë ngjarjeve të Kumanovës më 9 dhe 10 maj. Pas tyre vjen komandant Xhemail Rexhepi – komandant Shqiponja.