Prokuroria e Krimeve të Organizuara në Beograd ka akuzuar dy persona nën dyshimin se i janë bashkangjitur planeve për të kryer vepra penale të terrorizmit.

Të akuzuarit, Goran Pavloviq nga Beogradi dhe Rejhan Pllojoviq nga Novi Pazari, bëhet e ditur se janë në arrati, dhe është dhënë propozimi që të gjykohen në mungesë.

Ata dyshohet se përmes të akuzuarve të tjerë kanë lidhur marrëdhënie të ngushta me organizata, të cilat nga ana Kombeve të Bashkuara janë cilësuar si terroriste – “Shteti Islamik i Irakut dhe Levant” si dhe “Front Al-Nusra”.

Të pandehurit po ashtu akuzohen për mbledhje të të hollave nga përkrahësit e tyre në Serbi, në vendet e rajonit dhe në Evropën Perëndimore, dhe e kanë financuar udhëtimin e shumë qytetarëve të Serbisë, të cilët janë rekrutuar më parë për të marrë pjesë në kampet trajnuese terroriste në Siri dhe më pas të dërgohen në luftë.