Ad Banner
Ad Banner
Ad Banner
Ad Banner

Vjedhje në një xhami në Ferizaj, dëmtohen edhe kamerat e sigurisë

23:10 | 12 Prill 2026
E.G

Një rast vjedhjeje është raportuar të dielën rreth orës 13:00 në xhaminë e fshatit Mirash në Ferizaj.

Zëdhënësi i Policisë Rajonale të Ferizajt, Kanun Veseli, ka bërë të ditur se persona të panjohur kanë depërtuar brenda objektit fetar, ku kanë vjedhur arkën e bamirësisë.

Sipas tij, ende nuk dihet shuma e parave që ndodhej në arkë në momentin e vjedhjes.

Përveç kësaj, të dyshuarit kanë dëmtuar edhe kamerat e sigurisë së objektit.

“Sipas imamit, vlera e dëmit është rreth 50 euro për arkën, ndërsa dëmtimi i kamerave së bashku me pajisjet përcjellëse kap vlerën rreth 120 euro,” ka deklaruar Veseli.

Ai ka shtuar se, në koordinim me prokurorin e shtetit, rasti është iniciuar si “vjedhje e rëndë”.

Rasti është duke u hetuar nga njësia e hetimeve rajonale e Policisë së Kosovës.

Shpërndaje në rrjete sociale

Lajmet më të lexuara

Të ngjashme

Ad Banner

Foto lajm