Fund viti veç tjerash simbolizon edhe dhënien dhe marrjen e dhuratave.

E këtë traditë duket se do ta ndjek edhe i pari i vendit, shkruan arbresh.info.

Presidenti i Republikës së Kosovës, Hashim Thaçi së fundi ka nënshkruar një kontratë për furnizim me dhurata protokollare.

Vlera e parashikuar e kontratës ishte 4 mijë e 800 euro ndërsa një nga kriteret për dhënie të kontratës ishte ofrimi i çmimit më të ulët.

Në njoftimin e bërë publik në faqen zyrtare të Komisionit Rregullativ të Prokurimit Publik thuhet se pas hapjes së tenderit kishin aplikuar dy operator ekonomik ndërsa fitues ka dalë “D.P.T. ” DE  ARTE ” nga Prishtinë.

‘De Arte’ kishte ofruar çmimin prej 4.389 euro.

Operatori tjetër kishte ofruar çmim më të lartë, saktësisht 4.648 euro./arbresh.info/

Lexo edhe: Zyrtarët e Graçanicës blejnë rroba për dimër me para të komunës