Tentoi t’i ikë policisë, arrestohet një person në Vushtrri për posedim të narkotikëve

22:12 | 16 Prill 2026
H.E

Policia e Kosovës njofton se një person është arrestuar sot në Vushtrri për posedim të substancave narkotike.

Në njoftim thuhet se fillimisht i dyshuari nuk iu është përgjigjur urdhrave të policisë për tu ndalur me makinë, mirëpo pas një ndjekje të shkurtë njësitet policore kanë arritur ta ndalojnë automjetin.

“Gjatë kontrollit të automjetit, policia ka gjetur dhe konfiskuar një sasi të substancës së dyshuar narkotike të llojit marihuanë, me peshë rreth 10.8 gram. I dyshuari është arrestuar, ndërsa në stacion policor janë shoqëruar edhe dy persona të tjerë që ndodheshin në automjet”, thuhet në njoftim.

Pas intervistimit dhe në konsultim me prokurorin, i dyshuari është liruar në procedurë të rregullt, ndërsa ndaj tij është iniciuar rast penal për veprën “Posedim i paautorizuar i substancave narkotike”./Arbresh.info