Qeveria Kurti do të ndajë 40 mijë euro për familjen që humbi dy fëmijë nga zjarri në Ujz të Gjakovës

19:49 | 10 Shtator 2021

Kryeministri i Republikës së Kosovës, Albin Kurti, vizitoi për ngushëllime familjen Sadrija, në fshatin Ujz të Gjakovës, të cilët kanë humbur dy fëmijët, pasi zjarri kishte kapluar shtëpinë e tyre, derisa ata ishin në gjumë.

Kurti bëri të ditur se qeveria që ai drejton do të ndajë 40 mijë euro për familjen Sadrija, shkruan arbresh.info.

Kryeministri Kurti u shprehu ngushëllime familjarëve dhe i inkurajoi që të gjejnë forcë për ta përballuar dhimbjen për vdekjet e rënda të fëmijëve të tyre, të moshës 12 dhe 13 vjeçar. Ai tha se bashkëndjen me familjarët dhe se institucionet e Kosovës do t’ju qëndrojnë afër. Qeveria e Republikës së Kosovës do të ndajë 40 mijë euro ndihmë për familjen Sadrija.

Familjarët e falënderuan kryeministrin për vizitën dhe për kujdesin e treguar nga Qeveria e Kosovës./arbresh.info/

Shpërndaje në rrjete sociale

Lajmet më të lexuara