Prokuroria Themelore në Pejë ka ngritur gjithsej 139 aktakuza ndaj 142 personave për veprën penale “ndërtim pa leje”, gjatë një periudhe 16-mujore, ka bërë të ditur ky institucion.

Sipas njoftimit, vetëm gjatë vitit 2025 janë ngritur 112 aktakuza ndaj 113 personave, pas veprimeve hetimore për këtë vepër penale të paraparë në Kodin Penal të Republikës së Kosovës.

Ndërsa për periudhën janar–prill 2026, prokuroria ka ngritur edhe 27 aktakuza ndaj 29 personave të tjerë të dyshuar për ndërtim pa leje.

Prokuroria Themelore në Pejë ka theksuar se mbetet e përkushtuar në luftimin e veprave penale, me fokus të veçantë ndaj ndërtimeve pa leje, duke ndërmarrë veprime hetimore dhe ligjore ndaj çdo shkeljeje të ligjit, me qëllim mbrojtjen e rendit juridik dhe interesit publik./Arbresh.info