Gjatë ditës presidenca njoftoi se është shtyrë data e seancës së parë të Legjislaturës së Shtatë të Kuvendit të Kosovës për 26 dhjetor.

E duket se presidenti Hashim Thaçi nuk është konsultuar me partinë e parë të zgjedhjeve të 6 tetorit, Vetëvendosjen për shtyrjen e datës së konstituimit të Kuvendit, shkruan arbresh.info.

Këtë e tha Glauk Konjufca nga VV, i cili hodhi dyshime lidhur me arsyen se pse është shtyrë data e seancës.

“Ne jemi të pakënaqur me ndërrimin e kësaj date për arsye se presidenti nuk ka dhënë kurrfarë shpjegimi me kë ka biseduar. Në momentin që nuk ka biseduar me partinë e parë me rezultat nga zgjedhjet dhe partinë e dytë të cilat janë duke bisedu si me qeverisë Kosovën, si mund të thotë një president i tillë që ka bisedu me subjektet politike. Ne i kemi dyshimet qysh është ndërru kjo datë dhe do të kishte me qenë mirë, presidenti me na tregu emrat e këtyre partive politike cilat kanë qenë ato parti që të mos jetë data 24 siç është dakorduar, por 26 dhjetori”, u shpreh Konjufca.

Ndërkohë VV e LDK janë shprehur optimistë se marrëveshja e koalicionit do të bëhet para seancës së paraparë./arbresh.info/