Policia jep detaje për ngjarjen misterioze mbrëmë tek “Rruga B”

11:15 | 13 Maj 2025
Q L

Një incident i rëndë me armë zjarri ka ndodhur mbrëmë në rrugën “Bardhyl Qaushi” në Prishtinë, rreth orës 23:55, ku si pasojë dy automjete janë dëmtuar.

Sipas Policisë së Kosovës, nga vendi i ngjarjes janë gjetur dy lloje gëzhojash, ndërsa fatmirësisht nuk raportohet për të lënduar.

“Policia ka reaguar menjëherë pas pranimit të informatës dhe njësitet relevante kanë dalë në vendin e ngjarjes, ku kanë ndërmarrë të gjitha veprimet e nevojshme policore,” ka bërë të ditur zëdhënësi i Policisë së Kosovës për rajonin e Prishtinës.

Hetimet e para kanë zbuluar se në incident janë përfshirë armë të ndryshme zjarri, ndërsa dy automjete janë dëmtuar si pasojë e të shtënave.

“Gjatë ekzaminimit të vendit të ngjarjes janë gjetur dhe sekuestruar dy lloje të gëzhojave. Aktualisht nuk ka të lënduar, por janë dëmtuar dy vetura që ishin të parkuara në afërsi,” tha policia./Arbresh.info