Ish-presidenti i vendit, Behgjet Pacolli e ka quajtur të papranueshëm mos takimin e kryeministrit të Kosovës, Albin Kurti me atë të Shqipërisë, Edi Rama.

Pacolli është shprehu i shqetësuar që në Kosovë dikush po tenton të denigroj figurën e Edi Ramës.

“Shqiptarët shquheshin për mirësinë dhe mikpritjen e tyre, veçanërisht në shtëpitë e tyre. Është e papranueshme që një kryeministër i rëndsishëm si Edi Rama të vijë për vizitë në Kosovë dhe homologu i tij kosovar të mos ketë kohë për një takim qoftë edhe të shkurtër”, ka shkruar Pacolli në llogarinë e tij në Facebook.

“Unë jam i shqetësuar se dikush në Kosovë po tenton të denigroi figurën e Edi Rames. Për këtë të fundit kam vetëm një pyetje, kush ishte lideri i fundit shqiptar, ballkanik apo botëror që publikisht, duke e parë në sy mikpritësin e tij, në Beograd, përseriti disa herë se “Kosova është shtet i pavarur”!!!! Kryeministër Rama, Kosova dinjitoze i di vlerat e tua!!!”, shtoi Pacolli./Arbresh.info