Ngushëllimi i Haradinajt pas vdekjes së ish-kreut të BIK, Rexhep Boja

14:53 | 14 Shtator 2021

Kryetari i Aleancës për Ardhmërinë e Kosovës, Ramush Haradinaj ka dërguar letër ngushëllimi me rastin e vdekjen e ish-kreut të Bashkësisë Islame të Kosovës, z. Rexhep Boja.

Letra e Ramush Haradinaj:

I pikëlluar nga lajmi për vdekjen e ish-kreut të Bashkësisë Islame të Kosovës, z. Rexhep Boja.

Boja kishte udhëhequr BIK-un në rrethana shumë të rënda për Kosovën, në vitet e përpjekjeve tona për lirinë e Atdheut, vite të rënda edhe për institucionet fetare.

Pas çlirimit ai u angazhua në edukim por edhe në diplomaci, ku përfaqësoi denjësisht Republikën e Kosovës si ambasador në Arabinë Saudite.

Me këtë rast ngushëlloj familjen Boja, Myftiun Tërnava, miqtë, familjarët, studentët dhe mbarë komunitetin mysliman.

Shpirti i tij u prehtë në Parajsë! /arbresh.info/

Shpërndaje në rrjete sociale

Lajmet më të lexuara