Bayern Munich e ka mposhtur me rezultat 4:3 Real Madridin në ndeshjen e kthimit çerekfinale për ta siguruar gjysmëfinalen e Ligës së Kampionëve.

Reali e nisi furishëm takimin me një gol të Gulerit pas një gabimit të Neuerit, qysh në minutën e parë, shkruan Arbresh.info.

Por nuk vonoi shumë dhe Pavlovic barazoi në 1:1 në minutën e gjashtë.

Guler realizoi një tjetër supergol nga gjuajtja e lirë për 1:2 në minutën e 29-të. Por vetëm nëntë minuta më vonë, Kane barazoi sërish për Bayernin.

Ndërkohë tre minuta pa u mbyllur pjesa e parë, Mbappe riktheu epërsinë e Realit përsëri.

Pjesa e dytë ishte më e qetë sa i përket golave por rastet nuk munguan nga të dyjat palët.

Viniciusi pati dy mundësi të mira shënimi për Real Madridit, por njëra nga goditje e tij u bllokua nga mbrojtësi, tjetra shkoi në rrjetën e jashtme.

Bayerni rrezikoi fillimisht me Diazin, por ai u ndal nga ish-bashkëlojtari i tij tek Liverpoolit, Trent Alexander-Arnold.

Dy raste të arta i pati Olise, ku njëra u ndal portieri Lunin. Tjetra shkoi fare pranë jashtë portës.

Për bavarezët një rast të mirë e lëshoi edhe Upamecano, ku goditja e tij me kokë shkoi jashtë portës.

Pesë minuta para fundit, Camavinga u ndëshkua me karton të kuq.

Kjo ishte fatale, një minutë para fundit të ndeshjes, kur të gjithë po prisnin vazhdimet, në skemë doli, Luis Diaz i cili barazoi rezultatin në 3-3.

Kurse në minutën e fundit, Bayerni me një gol të Olises fitoi ndeshjen dhe siguroi gjysmëfinalen ku e pret PSG./Arbresh.info