Ministria e Punëve të Jashtme dhe Diasporës u bënë thirrje qytetarëve që të mos i përdorin pikat kufitare me Serbinë për të hyrë në Kosovë.

Kjo sepse se në territorin e Serbisë , në afërsi të pikave kufitare në Jarinjë dhe në Merdare, për shkak të protestave që po mbahen, nuk është i mundur kalimi i autobusëve dhe kamionëve që vijnë nga Kosova. Nuk është i sigurt për momentin as kalimi i veturave.

“Ministria e Punëve të Jashtme dhe Diasporës u bënë thirrje qytetarëve të cilët tashmë kanë hyrë në territorin e Serbisë, që t’i përdorin pikat kufitare në Mutivodë, Dheu i Bardhë ose të marrin rrugë përmes Maqedonisë së Veriut (pikë-kalimi kufitar i Preshevës) përmes Shkupit. Nëse nuk kanë hyrë në Serbi, luten qytetarët, të mos udhëtojnë përmes Serbisë”, thuhet në njoftimin e MPJD-së.

“Duke marrë parasysh faktin që janë në qarkullim shumë lajme të rreme, të cilat synojnë përhapjen e frikës, ftojmë të gjithë qytetarët që të ndjekin @Kosovo_Police rreth përditësimeve më të fundit zyrtare në këtë drejtim”, njofton tutje MPJD./Arbresh.info/