Ankesa e paraqitur nga Instituti i Kosovës për Drejtësi (IKD) më 1 qershor, në Ditën Ndërkombëtare të Fëmijëve, është pranuar si e bazuar, ndërsa Lëvizja Vetëvendosje (LVV) djanë gjobitur me 5.100 euro lidhur me përfshirjen e fëmijëve në aktivitete të fushatës zgjedhore.

Lajmi është bërë I ditur nga drejtori i IKD-së , Ehat Miftaraj.

Sipas vendimit, LVV-ja duhet ta paguajë gjobën brenda 15 ditëve.

IKD-ja ka njoftuar se e konsideron këtë vendim si pjesë të përpjekjeve të saj për mbrojtjen dhe promovimin e të drejtave të fëmijëve, duke kërkuar zbatim të njëjtë të ligjit për të gjithë subjektet politike.

Nga ana tjetër, rasti vjen në një periudhë kur LVV-ja vazhdon të mbetet forca më e madhe politike në vend, ndërsa institucionet përkatëse kanë vlerësuar se respektimi i standardeve ligjore gjatë aktiviteteve publike duhet të vlejë për të gjithë akterët politikë pa dallim./ Arbresh.info