Deputeti i Partisë Demokratike të Kosovës (PDK), Mërgim Lushtaku, thotë se tensionet në veri të Kosovës po i ndjek me shumë shqetësim.

Ai në një intervistë për arbresh.info ka ftuar institucionet e sigurisë që të jenë më vigjilentë pasi sipas tij, tani për tani janë larg objektivave të tyre sa i përket qetësimit të situatës.

Lushtaku thotë se situata e sigurisë në veri të vendit për momentin është e paqëndrueshme dhe e brishtë.

Deputeti i PDK-së kërkon unitet politik mes pozitës dhe opozitës dhe të lihen anash dallimet politike, kur është çështja tek siguria e vendit.

Ai, ka kërkuar nga kryeministri Albin Kurti, që të jetë më vigjilent dhe bashkëpunues, pasi sipas tij, po shihet një arrogancë vetjake nga shefi i ekzekutivit me politikat e tij për pjesën e veriut.

Çështjen e targave ilegale sipas deputetit të PDK-së nuk është dashur të bëhet kontributdhënëse që pala kosovare të bëhej e dëmtuar, pasi siç thotë ai u bë njëra nga temat kyçe në dialogun Kosovë – Serbi.

Sipas Lushtakut, institucionet kosovare dhe gjithsecili duhet të punojë që t’iu vihet në ndihmë qytetarëve që janë duke u përballu me grupet kriminale atje në veri, duke ua ofruar sigurinë e plotë pavarësisht cilit grup etnik ju takojnë.

Hapat e ndërmarra deri më tash nga Qeveria Kurti në pjesën veriore, Lushtaku i sheh si të gabuar në objektivat strategjik.

Pas incidenteve të filluara ditë më parë, deputeti Lushtaku e sheh si të vështirë qetësimin e situatës dhe kthimin në normalitet për një kohë të shpejt.

Krejt këtë situatë të krijuar sipas përfaqësuesit të PDK-së fajin e ka Lista Serbe e cila është direkt e orkestruar nga Beogradi zyrtar.

Lushtaku pret që të mbahen zgjedhjet në katër komunat veriore, pavarësisht situatës së tensionuar./arbresh.info/ Pleurat Salihu/

Intervista e plotë