“Liria ka emër UÇK” nuk mund të hiqet nga Komuna e Graçanicës, flasin banorët

17:55 | 16 Nëntor 2020 | Mira Avdimetaj

Vendosja e banerit “Liria ka emër UÇK” në fshatin e banuar me shqiptarë, Kishnicë, ka bërë krenar këta banorë.

Por, Komuna e Graçanicës është me shumicë serbe, dhe reagimet ndaj këtij baneri kanë qenë të ashpra nga ky komunitet pakicë.

Edhe pse ky baner u kërkua të largohet nga kryetari serb i kësaj komune, Sërgjan Popoviq, banorët thonë se do të rezistojnë kundër largimit të tij.

Përfaqësuesi i shqiptarëve në Kuvendin Komunal të Graçanicës, Granit Gashi thotë se komuna nuk ka të drejt largimin e tij pasi që kjo rrugë është nën menaxhimin e Ministrisë së Infrastrukturës.

“Për ne si banorë nuk paraqet asnjë shqetësim, sepse ky billbord na paraqet neve më së miri” tha Gashi

Ai thotë se rasti është duke u hetuar nga Prokuroria e Shtetit.

Banorët thonë se ky baner nuk ka pse ju pengon serbëve.

“Na si banor nuk po kuptojmë kujt po i pengon vendosja e këtij billbordi, kur dihet se ne i kemi 15 viktima gjatë lufta” tha ky banor.

Kryetari i Graçanicës Sërgjan Popoviq ka reaguar pas vendosjes së këtij billbordi në hyrje të Graçanicës duke e quajtur provokim./M.Avdimetaj/arbresh.info/

Lajmet më të lexuara