Kandidatja për komisare për zgjerim, Marta Kos ka paralajmëruar mundësinë që Bashkimi Evropian të ndryshoj qasje ndaj procesit të normalizimit të marrëdhënieve mes Kosovës e Serbisë, në mandatin e ardhshëm të strukturave evropiane.

“Në një nga takimet që kam pasur, po shpjegoja se nëse gjërat nuk funksionojnë, duhet të gjejmë mënyra të reja. Në kuptimin e asaj që ka thënë dikur Albert Ajnshtajn: “marrëzi është nëse bëni çdo ditë të njëjtën gjë dhe prisni rezultate të ndryshme”. Unë dua të shoh rezultate të ndryshme. Pra, nuk duhet të jem e marrë”, ka thënë ajo.

Kos, sot ka kaluar në procesin e dëgjimit në Parlamentin Evropian i cili duhet të konfirmoj emërimin e saj.

Mes tjerash ajo ka pranuar se për dialogun ka biseduar me shefen e ardhshme të diplomacisë evropiane Kaja Kallas dhe ka paralajmëruar angazhimin e saj në proces.

Eurodeputetët pyetën kandidaten për komisare nëse Bashkimi Evropian do e pranojë kthimin në agjendë të shkëmbimit të territoreve, në rast se një propozim vjen nga administrata e ardhshme e Uashingtonit.

Ajo e hodhi poshtë këtë kategorikisht duke e cilësuar propozim të papranueshëm.

Sa i përket ideve për shkëmbim territoresh: Jo. Komisioni Evropian dhe unë, nëse konfirmohem, nuk do t’i ndjekim këto tendenca”, ka konfirmuar Marta Kos.

Ajo u shpreh se evropianët duhet të shikojnë se çfarë mund të bëjnë vetë e jo të presin propozime nga të tjerët.

Marta Kos është një nga 26 kandidatët për komisar të rinj që po kalojnë dëgjimin në Parlamentin Evropian.

institucion duhet të konfirmojë nominimin e secilit kandidat dhe kandidate në mënyrë që të konfirmohet struktura e re e Komisionit Evropian./rtk