Google ADS

Konjufca: 24 shtatori do të shënohet si dita kur Afrim Bunjaku bë hero i Kosovës

16:51 | 25 Shtator 2023
E.G

Kryetari i Kuvendit të Kosovës, Glauk Konjufca, në ceremoninë shtetërore të varrimit të policit i cili humbi jetën nga sulmet e djeshme në veri, tha se dita e 24 shtatorit do të shënohet në historinë e Kosovës si dita kur Afrim Bunjaku ra dëshmor e u bë hero i Kosovës.

Konjufca u shpreh se Afrim Bunjaku ra në krye të detyrës si oficer i denjë i Republikës në mbrojtje të lirisë e pavarësisë, shkruan Arbresh.info.

“Dita e 24 shtatorit do të shënohet në historinë e Kosovës sikur dita kur Afrim Bunjaku ra dëshmorë e u bë hero i Kosovës, për ta ngritur shtetin tonë. Afrim Bunjaku ra në krye të detyrës si oficer i denjë i Republikës në mbrojtje të lirisë, pavarësisë dhe sovranitetit të Republikës sonë”, tha ai.

Kryeparlamentari Konjufca nbdër të tjera tha se Afrim Bunjaku dje e mbrojti Kosovën me jetën e tij.

“Rreshteri Afrim Bunjaku dje e mbrojti Kosovën me jetën e tij, ndërsa nga sot rënja e tij do t’i frymëzojë brezat e ardhshëm se si mbrohet atdheu”, u shpreh tutje ai./Arbresh.info