Prokuroria Themelore në Gjakovë, të mërkurën, ka kërkuar që t’i caktohet masa e paraburgimit në kohëzgjatje prej një muaji të dyshuarit A.S, për kanosje të kryetarit të Gjakovës, Ardian Gjini.
Kërkesën për caktimin e masës së paraburgimit e ka parashtruar prokurori i rastit Anton Hasanaj, në Gjykatën Themelore në Gjakovë, raporton “Betimi për Drejtësi”.
E sipas kërkesës për caktimin e paraburgimit, thuhet se ekziston dyshimi i bazuar se i pandehuri A.S, më 15 mars të këtij viti, rreth orës 9:30, në Kuvendin Komunal në Gjakovë, e ka kanosur të dëmtuarin, Ardian Gjini, kryetar i Komunës së Gjakovës.
Tutje sipas kërkesës, ditën kritike i pandehuri shkon në objektin e komunës dhe fillimisht e kërkon të dëmtuarin për të biseduar me të, e pasi që nga administrata e komunës është njoftuar se takimin e ka të premten, më 18 mars 2022, i njëjti revoltohet dhe nuk pranon të largohet nga objekti pa e takuar të dëmtuarin.
Sipas kërkesës, pas disa minutave derisa i dëmtuari ishte duke dalur nga objekti, të njëjtin e ndal i pandehuri, i cili i afrohet dhe duke ia drejtuar gishtin e me ton të lartë i thotë: “më keni borxh, pse ma keni konfiskuar pronën e ma keni qitë në shoqëri aksionare”, pastaj vazhdon me fjalët me zë të lartë: “Kam me t’njek hap pas hapi dhe krejt kohën”, me ç’rast tek i dëmtuari ka shkaktuar frikë dhe ankth për jetën dhe familjen e tij.
Për këtë, ai po dyshohet se ka kryer veprën penale “Kanosja” nga neni 181 paragrafi 3 lidhur me paragrafin 1 të Kodit Pena, vepër e dënueshme me burgim prej 6 muajsh deri në 5 vite.
Në kërkesën e prokurorisë thuhet se janë plotësuar kushtet për caktimin e paraburgimit, duke marrë parasysh dyshimin e bazuar se i pandehuri ka kryer veprën penale, rreziku i arratisjes, pesha e veprës penale dhe karakteristika personale të të pandehurit.
Tutje në kërkesë thuhet se masat e tjera më të buta do të ishin të pamjaftueshme për sigurimin e të pandehurit në procedurë penale dhe zhvillim të sukseseshëm të procedurës pa zvarritje.
“Mjeshtri” Flick brenda katër ditëve deklasoi Bayernin dhe R...
“Flas me gjethen” nga Endrit Krasniqi, shpallet kënga fitues...
ShBA pritet t`i shesë Tajvanit armatime të reja
Si të dini që mashkulli dëshiron vetëm flirt: Gjuha e trupit...
Yamal: Rroftë Barca, tani le të shkojmë dhe ta fitojmë La Li...
Kurti: ‘Fest 2’ dëshmi që Kosova po bën organizime reprezent...