Drejtori i Inspektoratit për Trashëgimi Kulturore i Ministrisë së Kulturës, Rinisë dhe Sportit, Imer Hakaj, ka njoftuar se ka dhënë dorëheqje nga ky post sot pas njoftimit për inicimin e kallëzimit penal nga Komuna e Prishtinës ndaj Inspektoratit.

Ai tutje thotë se beteja për drejtësi ndaj “shkelësve të Ligjit për Trashëgimi Kulturore, për ndërhyrjet e paautorizuara për punimet në rrugën ‘Xhorxh Bush’ në Prishtnë, do të vazhdojnë”, shkruan Arbresh.info.

“Përgjegjës për të gjitha veprimet e ndërmarra deri më tani jam dhe mbetem vetëm unë, si Drejtor i Inspektoratit për Trashëgimi Kulturore, duke u nisur nga udhëzimi dhe miratimi për inspektim për Inspektorin e ITK-së”, ka shkruar Hakaj.

Duke kërkuar lirimin nga detyra nga ministri i Kulturës, Hajrulla Çeku, Hakaj thotë se ka ofruar dorëheqjen nga detyra zyrtare për “mosndërmarrjen e veprimeve me kohë dhe për shkak të mosreagimit me kohë ndaj shkelësve të ligjit”, ka shkruar ai./Arbresh.info/

LEXO EDHE:

Rama dorëzon kallëzim penal ndaj inspektorit Zogaj për bllokimin e projekteve në Prishtinë