Zyra e Bashkimit Evropian dhe Komuna e Prishtinës organizuan panairin dimëror për ndërmarrjet e vogla dhe të mesme dhe bizneset e sapoformuara për promovimin e produkteve të tyre.

Rreth 70 prodhues po marrin pjesë në këtë panair të cilët kanë gjetur përkrahjen nga projekti i Komiisoni Evropian dhe i implementuar nga ARDA.

Luigi Brusa nga Komisioni evropian tha se  ky panair po bëhet tradicional sepse çdo herë po organizohet në fund vit.

Ministrja e Tregtisë dhe Industrisë Hykmete Bajrami theksoi se ndërmarrjet e vogla dhe të mesme janë prodhues të produkteve cilësore.

Ajo tha se edhe mbështetja e Qeverisë nuk ka munguar për këta prodhues.

Edicioni i katërt i panairit zgjat  tri ditë me produkte të djathërave, verërave , mjaltës, bulmetit dhe produkte të veshjeve artizanale.