Drejtoresha e KOMF, Donjet Kelmendi në organizimin e fundvitit për ndarjen e çmimeve vjetore në fushën e të drejtave të fëmijëve ka falënderuar mediet për raportim në fushën e të drejtave të fëmijëvë.

“Pa përkrahjen e medieve nuk do të kishim sukseset që kemi arritur. Është sfidë për të raportuar për çështjet sociale në vend, andaj ju falënderojmë shumë”, ka thënë ajo.

Ndërsa u ndanë pesë çmime për storiet gazetareske më te mira në fushën e të drejtave të femijëvë, në mesin e tyre edhe gazetarja e arbresh.info, Agnesa Çitaku.

Fitues u shpallën, Kaltrina Rexhepi, Edona Kutleshi, Festim Kabashi.

Emirjeta Vllahiu dhe gupi i gazetareve, Agnesa Çitaku, Valon Fana, Fatjona Mani, Mergim Rudari dhe Ertan Galushi.

Punën e këtyre gazetarëve e lavdëroi edhe Avokati i Popullit, Hilmi Jashari.

“Duhet t’i marrim me seriozitet fëmijët, jemi duke bërë një gabim të madh në qasje sepse fëmijët janë e ardhmja e këtij vendi”, ka thënë ai.

Koalicioni i OJQ-ve për Mbrojtjen e Fëmijëve në Kosovë (KOMF), me Forumin ZFD dhe Qendrën për Arsim të Kosovës (KEC), tradicionalisht organizojnë ceremoninë vjetore të ndarjes së çmimeve për gazetari në fushën e mbrojtjes së të drejtave të fëmijëve në Kosovë./arbresh.info/