EKO-AKSION| Rroba e aksesorë unikë dhe gjëra antike nga Greqia e Italia

14:08 | 31 Janar 2021 | Mira Avdimetaj

Çdo produkt këtu ka një histori. Ideja e një dyqani të dorës së dytë është gjithashtu një eko-aksion dhe një mënyrë e mirë për të kursyer.

Të marra nga Greqia dhe Italia, produktet që shiten në këtë dyqan e bëjnë veshjen tuaj shumë unike dhe të veçantë.

“Gratë këtu mund të gjejnë fustane, këmisha, pallto, shumë llojshmëri veshjesh që janë të bendeve të njohura, por me çmime shumë të volitshme”, thotë Greta Guci menaxhere e lokalit.

Përpos rrobave dhe aksesorëve, kohëve të fundit dyqani është furnizuar edhe me gjera antike.

Përveç veçantisë dhe kualitetit, si dhe çmimit të volitshëm, njerëzit kanë larguar komplekset për blerjen e rrobave të dorës së dytë.

“Aksesori më i veçantë që i mbledh të gjitha gratë në dyqan janë broshët”, thotë Guci.

Po ashtu të veçanta janë edhe versët që janë të punuara me gurë natyral. Këtu gjeni edhe piktura origjinale.

Dhe nëse po kërkoni që të bëni ndryshime, kjo është një nga alternativat që mund ta përdorni, me anë të shpenzimit minimal, sepse shoqëria jonë është e shtyrë nga konsumizmi.

Prandaj, një nga mënyrat më të mira për të përfituar buxheti juaj, për të shpëtuar mjedisin dhe për të blerë produkte unike, në shumë vende të botës frekuentohen shumë këto dyqane./M.Avdimetaj/arbresh.info/

Shpërndaje në rrjete sociale

Lajmet më të lexuara