Policia ka ofruar detaje në lidhje me një grua që u pa në një video duke thyer disa automjete me një çekan, të cilat, sipas asaj që dëgjohej, ishin parkuar keq.

Zëdhënësja e policisë për rajonin e Prishtinës, Flora Ahmeti, tha për Arbresh.info se marrjes së informacionit për incidentin që ndodhi në Fushë Kosovë, policia ka arrestuar të dyshuarën.

Tutje, Ahmeti tha se e dyshuara është dërguar në QKUK për trajtim mjekësor dhe ekzaminim psikiatrik pasi kishte pësuar lëndime.

“Rreth orës 10:00, kemi pranuar informatën për dëmtimin e tri automjeteve në rrugën Xhemajl Mustafa në Fushë Kosovë. Policia menjëherë ka arrestuar personin e dyshuar, e cila është dërguar në QKUK, për trajtim mjekësor ( është lënduar) dhe ekzaminim psikiatrik. Ndaj të dyshuarës B.M, femër është hap rast, për veprën penale Asgjësimi apo dëmtimi i pasurisë. Pas përfundimit të trajtimit mjekësor, do të kryhen procedurat e nevojshme hetimore në koordinim me prokurorinë”, tha Ahmeti./Arbresh.info

LEXO EDHE:

E tmerrshme/ Një grua në Fushë Kosovë dëmton tri vetura me çekan