Këshilli i Mediave të Shkruara të Kosovës e ka miratuar si të bazuar ankesën e Raif Osmani, babait të Vjosa Osmanit.

Osmani thotë se në institucionet e ish-Jugosllavisë ka punuar deri më datën 15 mars 1989, dhe jo deri në vitin 1993.

“Unë jam larguar nga puna nga ana e regjimit serb me datë 15 mars 1989, duke u bërë kështu ndër shqiptarët e parë që largohen si pjesë e masave të dhunshme, vetëm për faktin se flisja publikisht për Kosovën Republikë. Më vonë jam bashkuar përpjekjeve të para të Presidentit Rugova për ndërtimin e shtyllave të mbrojtjes, brenda institucioneve paralele dhe për këto përpjeke jam burgosur me datë 14 mars 1994, e kam përjetuar tortura çnjerëzore në burgjet e regjimit gjenocid serb. Për këtë, dëshmitarë janë të gjithë qytetaret e Mitrovicës, organizatat e të drejtave të njeriut si dhe aktivistet e LDK’s të asaj kohe”, thotë Osmani, shkruan arbresh.info.

Ai është ankuar në  lidhje me një artikull të publikuar në portalin arbresh.info më 11 shkurt të këtij viti.

Sipas tij, të krahasosh sistemin e ndërtuar nga Presidenti Rugova me atë jugosllav që udhëhiqej nga Millosheviqi, dhe të tentosh të denigrosh dikë pse ka punuar që nga viti 1989 për Kosovën shtet të pavarur e sovran, është e pafalshme, jo etike dhe e papranueshme.

Portali arbresh.info i kërkon falje z.Osmani dhe znj. Vjosa Osmani, në lidhje me këtë raportim./arbresh.info/

Raif Osmani, babai i Vjosa Osmanit ishte shef i seksionit të mbrojtjes popullore në Armatën Popullore të Jugosllavisë