Bislimi ia dorëzon Shefit të Zyrës së BE-së Raportin e Kosovës 2021

20:43 | 16 Prill 2021
Arditë Shkodra

Zëvendëskryeministri i parë i Republikës së Kosovës, Besnik Bislimi, ka pritur sot në takim Shefin e Zyrës së BE-së në Kosovë, njëherësh Përfaqësues Special i BE-së, ambasadorin Tomas Szunyog.

Bislimi e njoftoi ambasadorin Szunyog për hapat që po ndërmerren rreth skanimit të gjendjes aktuale dhe formimit të strukturave implementuese të Marrëveshjes së Stabilizim Asociimit, transmeton arbresh.info

Me këtë rast, zëvendëskryeministri Bislimi i dorëzoi ambasadorit Szunyog përmbledhjen e parë për Raportin e Kosovës 2021, duke shfaqur optimizëm se raportet e ardhshme do të kenë një përmbajtje akoma më cilësore.

Zëvendëskryeministri Bislimi tha se Qeveria nuk ka qenë asnjëherë më kompakte dhe e drejtuar drejt një qëllimi të përbashkët, dhe siç u shpreh ai, besojmë që kjo do të reflektohet në fushën e integrimeve evropiane./arbresh.info/