Ish kryetari i Prishtinës, Isa Mustafa, ka bërë të ditur se Akademia e Shkencave dhe e Arteve të Kosovës, sot do të organizojë Konferencë Shkencore me temë “Gjenocidi dhe masakrat e Serbisë në Kosovë (1998-99)”.

Me anë të një postimi në Facebook, Mustafa, ka thënë se në këtë koferencë do të filloj sot në ora 10:00 dhe do të prezantohen 21 kumtesa nga studiues vendorë si dhe nga ata ndërkombëtarë.

“Konferenca do të fillojë me Videon: Masakrat serbe në Kosovë 1998-1999 në kujtesën e të mbijetuarve (e përgatitur nga Radiotelevizioni i Kosovës, përzgjedhur në bashkëpunim me ASHAK), ndërkaq, në përmbledhjen e punimeve do të përfshihen edhe mbi njëzetë rrëfime të përjetuarve nga masakrat e Serbisë”, është shprehur Mustafa.

Mustafa tha se në kumtesa dhe rrëfime të dokumentuara do të dëshmohet e vërteta shkencore dhe historike mbi gjenocidin, masakrat dhe dhunën e Serbisë, me objektiv, sipas tij, që kryerësit e krimeve të japin përgjegjësi./Arbresh.info/