Arrestohet i dyshuari që tentoi t’i vriste katër persona më 2022 në Viti

18:21 | 8 Maj 2025
E.G

Policia e Kosovës ka arrestuar një person i cili dyshohet se ka kryer veprën penale “Vrasje në tentativë” ndaj katër personave në vitin 2022.

Sipas policisë, i dyshuari është 20 vjeçar, shkruan Arbresh.info.

“Me 08.05.2025 rreth orës 15:00 Policia e Kosovës, Stacioni Policor në Viti, ka ekzekutuar urdhër arrestin e Gjykatës Themelore, me ç’ rast ka arrestuar të dyshuarin M. A. (viti i lindjes 2005, mashkull kosovar). I njëjti me datë 25.11.2022 dyshohet se ka kryer veprën penale “Vrasje në tentativë” ndaj katër viktimave meshkuj kosovar.”, thuhet në njoftimin e policisë.

I dyshuari është intervistuar në bazë të procedurave ligjore dhe me vendim të prokurorit të shtetit është ndaluar për 48 orë.

“Lënda me të gjitha shkresat do të procedohet në Prokurorin Themelore në Gjilan për procedurat e mëtutjeshme.”, bën të ditur policia./Arbresh.info/