Google ADS

Osmani uron Malin e Zi: E ardhmja jone e përbashkët – familja euroatlantike

19:07 | 21 Maj 2024
E.G

Presidentja e Kosovës, Vjosa Osmani ka uruar Ditën e Pavarësisë së Malit të Zi, duke marrë pjesë në ekspozitën e kryeveprave të Gjelosh Gjokajt, “Pikaso i Ballkanit”.

Me anë të një postimi në “X”, Osmani shkroi se e ardhmja e Kosovës dhe Malit të Zi është në familjen euroatlantike, shkruan Arbresh.info.

“Një nderim i mrekullueshëm për lidhjet e thella personale që ankorojnë miqësinë e qëndrueshme ndërmjet Kosovës dhe Malit të Zi – lidhje që forcohen vetëm ndërsa ne së bashku përpiqemi për të ardhmen tonë të përbashkët në familjen euroatlantike”, ka shkruar Osmani.

Tutje presidentja ka theksuar se arti i Gjokajt ka lënë një ndikim të qëndrueshëm në të dy vendet tona./Arbresh.info/