Ideja e Shteteve të Bashkuara si një “qytet i ndritshëm mbi një kodër” është më i lidhur me Presidentin Ronald Reagan, por është përdorur shumë edhe nga politikanët tjera.

Themeluesit e këtij shteti dëshironin që Amerika të ishtë si një fener lirie dhe demokracie, që do ndriçonte rrugën për pjesën tjetër të botës.

Por ngjan që drita e fenerit është zbehur kohëve të fundit, transmeton portali arbresh.info

Një sondazh i publikuar së fundmi tregon një rënie të ndjeshme dhe të papritur të një numri të madh të njerëzve që nuk i shohin më SHBA-të si vendi që ka ndikim pozitiv në botë.

Sondazhi i kryer nga Ispos Mori që anketoi rreth 18 mijë persona nga 25 vende të botës, tregon se vetëm 40 për qind të të anketuarve mendojnë se Shtetet e Bashkuara kanë ndikim pozitiv në skenën botërore. Kjo është më pak se Kina në 49% dhe jo shumë larg Rusisë në 35%.

Fronin si vendi që ka ndikim pozitiv në botë e mban Kanada, ku 80 për qind të të anketuarve thanë se vendi vazhdon të  jap ndikim pozitiv në çështjet e botës. Në vendin e dytë është Australia, ndërsa në të tretin Gjermania.

Për shkak të Brexit, Britania e Madhe ka rënë 10 pikë më pak, ndërsa Izraeli dhe Irani qëndrojnë në fund të listës./Arbresh.info