Intervistohet Ahmet Shala, thotë se procesi i privatizimit nuk ka arritur objektivat që ishin destinuar

11:04 | 26 Tetor 2020
M. A.

Është intervistuar ish-zëvendës Drejtorin Menaxhues në AKM, Ahmet Shala nga Komisioni Hetimor Parlamentar lidhur me procesin e privatizimit në Kosovë.

Ahmet Shala ka qenë pjesë e procesit të privatizimit nga viti 2002 deri në vitin 2007, raporton arbresh.info.

Ai tha para komisionit se te gjitha proceset e privatizimit janë kritikuar dhe nuk kanë mbërritur objektivat për të cilat janë dizajnuar.

“Unë kam qenë pjesë e procesit të privatizimit që nga viti 2002 deri më 2007. Procesi i punësimit tim është bërë me konkurs të hapur. Kam qene i punësuar i Unionit Evropian dhe jam financuar nga Unioni Evropian. Të gjitha proceset e privatizimit janë të kritikuara, fatkeqësisht asnjëra nuk e mbërrin objektivin për të cilin janë dizajnuar”./arbresh.info.