Sot nuk kryhen as teste për COVID, IKSHPK-ja në grevë

13:04 | 2 Dhjetor 2021

Punëtorët shëndetësorë në institucionet publike shëndetësore në vend kanë hyrë sot në grevë 8-orëshe.

Grevës i janë bashkangjitur edhe punëtorët e Institutit Kombëtar të Shëndetit Publik.

Kjo e dëshmon edhe fotografia që arbresh.info ka bërë nga IKSHPK-ja.

Për shkak të grevës, në këtë institut nuk po kryhen teste për COVID-19, e as shërbime tjera.

Punëtorët e IKSHPK-së, kishin hyrë në grevë edhe të enjten e kaluar. Në atë ditë nuk ishte publikuar me kohë as raporti i tyre për rastet e reja me COVID.

Ndërsa, Federata e Sindikatave të Shëndetësisë së Kosovës ka bërë të ditur se për shkak se nuk kanë marrë përgjigje nga qeveria, e nuk janë ftuar të diskutojnë për Ligjin e Pagave, sot do të hyjnë në grevë nga ora 07:00 deri në orën 15:00. /arbresh.info

Shpërndaje në rrjete sociale

Lajmet më të lexuara